Dërgo mesazhe në mënyrë private
Privatësia jote është prioriteti ynë. Me enkriptimin nga skaji në skaj, mund të jesh i sigurt se mesazhet e tua personale qëndrojnë mes teje dhe personit të cilit ia dërgon.
Pavarësisht nëse janë rrëfimet e tua, debatet e vështira apo shakatë e pakuptimta mes shokësh, bisedat e tua duhet të jenë të mbrojtura
Enkriptimi nga skaji në skaj
Mesazhet dhe telefonatat qëndrojnë mes jush. Askush tjetër nuk mund t'i lexojë apo dëgjojë ato, madje as WhatsApp
Shtresat shtesë të privatësisë
Përveç enkriptimit nga skaji në skaj, ne shtojmë shtresa të tjera mbrojtjeje për të gjitha bisedat e tua.
Kontrollo privatësinë që të nevojitet
E zgjedh ti se çfarë ndan, si shfaqesh në linjë ose kush mund të flasë me ty.
Kyçja e bisedës
Mbro me fjalëkalim bisedat e tua më personale që të mos arrijë t'i shikojë asnjë person që përdor telefonin tënd.
Mesazhet që zhduken
Me mesazhet që zhduken, mund të kontrollosh se cilat mesazhe qëndrojnë dhe për sa kohë, duke i vendosur që të zhduken pasi t'i kesh dërguar.
Mos i lejo të flasin telefonuesit e panjohur
Mos i lejo kontaktet e bezdisshme dhe të panjohura të të telefonojnë, që të mund të përqendrohesh në bisedat që janë me të vërtetë të rëndësishme për ty.
Kopjet rezervë
të enkriptuara
Mbaji private kopjet e tua rezervë në linjë. Aktivizo kopjet rezervë të enkriptuara për ta shtrirë sigurinë e enkriptimit nga skaji në skaj te mesazhet e tua të ruajtura në iCloud ose në Google Drive.
Shikuar për herë të fundit
dhe në linjë
Zgjidh që të shikohesh vetëm nga ata që dëshiron ti. Mund t'i personalizosh cilësimet e tua të privatësisë për të zgjedhur se kush mund të të shikojë kur je në linjë dhe se kur e ke përdorur WhatsApp për herë të fundit.
Siguria
dhe mbrojtja
Mbroje llogarinë tënde nga piratët kibernetikë dhe postuesit
e bezdisshëm dhe ndaloji bisedat e padëshiruara.
