Сізді қорғау үшін әлемдік деңгейдегі қауіпсіздігі қарастырылған хат алмасу және қоңырау шалу тәжірибесін жобаладық. Әзірленген инновациялық құралдар көмегімен барлығын өзіңіз басқарасыз және қажет кезде біз де қолдау көрсетеміз.
Телефон нөміріңізді ешкім іздей алмайды немесе жеке хаттарыңызды оқи алмайды.
Спам және алаяқ аккаунттардың көпшілігін олар пайдаланушыларға жетпей тұрып немесе олар туралы біреу шағым жібермей тұрып тауып аламыз да, өшіреміз.
Аккаунтыңызды тартып алудың күдікті немесе рұқсатсыз әрекеттерін анықтасақ, жеке басыңызды растауыңызды сұраймыз.
Хакерлер мен алаяқтар аккаунтыңыз бен деректеріңізді ұрлап алмауы үшін, қорғаныстың қосымша деңгейлерін қосатын келесі оңай қадамдарды қараңыз.
Сізді топтарға кім қоса алатынын, топтарыңызға кім қосыла алатынын басқарыңыз және қажет кезде мүшелерді шығарыңыз не хаттарды өшіріңіз.
Кең таралған алаяқтық түрлерімен және өзіңіз бен жақындарыңызды қорғау үшін орындау қажет әрекеттермен танысыңыз.
Хаттар, адамдар немесе бизнестер туралы шағым жіберсеңіз, WhatsApp қызметін барлығы үшін қауіпсіз орта ете аламыз. Уайымдамаңыз, хат жіберген адамға айтпаймыз.
Сөйлескіңіз келмейтін адам сізге хат жіберсе, оны бұғаттауыңызға болады, сонда оның хаттарын немесе қоңырауларын сізге жеткізбейміз.
Аккаунтыңызға кіре алмай қалсаңыз, телефон нөміріңізді қайта тіркеңіз. Бұрынғы әңгімелеріңіз телефоныңызда қауіпсіз сақталады және аккаунтыңызға кіруге әрекеттенген адам оларды оқи алмайды.
